الحصيلة الوبائية لفيروس كورونا فهاد 24 ساعة: 92 تصابو و63 تشافاو وحتى واحد ما مات.. الطوطال: 8885 مصاب و7828 متعافي و212 متوفي .. و845 كيتعالجو

علنات وزارة الصحة على تسجيل 92 إصابة بفيروس كورونا المستجد فهذ 24 ساعة الأخيرة، وهكذا وصل عدد المصابين فالمجموع ل8885.
وقالت مسؤولة فوزارة الصحة، فالندوة اليومية للترصد الوبائي لفيروس كورونا المستجد، أن جهة الرباط سلا القنيطرة هي اللي سجلات اغلب الإصابات اليوم، (65) كلها فقنيطرة فبؤرة صناعية، بينما سجلات مراكش آسفي 12 حالة، طنجة تطوان الحسيمة 9، كازا سطات 5، وفاس مكناس حالة واحدة، أما باقي الجهات فماسجلات حتى شي حالة جديدة.
والإصابات اللي تسجلات اليوم تكتشفات منها 85 عن طريق تتبع المخالطين، وهكذا وصل مجموعهم ل50520، و5256 مازالين تحت المراقبة.
وتسجلات 63 حالة شفاء اليوم، ووصل المجموع ل7828، بنسبة تعافي د88,1 فالمية.
وما تسجلات حتى شي وفاة جديدة، وهكذا بقا الطوطال مستقر ف212، بنسبة إماتة د2,4 فالمية.
والحالات النشيطة وصلات ل845 حالة.
ووصل مجموع الحالات المستبعدة ل430387 بعد ما خرجات تحاليلهم سلبية.
وبالنسبة للي كاينين فالإنعاش فعددهم 11، 6 منهم فكازا سطات، و5 فطنجة تطوان.
وكتوصي مسؤولة وزارة الصحة على الالتزام بالتدابير الوقائية، من تباعد اجتماعي وغسل اليدين وارتداء كمامات، وأكدات بللي التخفيف من الحجر الصحي التدريجي لا يعني إهمال هذ التدابير والتراخي فاتخاذها، كيف نصحات بتفادي الزيارات العائلية حيت كتشكل خطورة على صحاب الأمراض المزمنة والناس الكبار.
وهذا التوزيع الجغرافي للإصابات بالنسبة المئوية: