الحصيلة الوبائية لفيروس كورونا فهاد24 ساعة: 29 تصابو و18 تشافاو وحتى واحد مامات.. الطوطال: 8537 مصاب و7583 متعافي و211 متوفي .. و743 مغربي ومغربية مازال كيتعالجو

علنات وزارة الصحة على تسجيل 29 إصابة جديدة بفيروس كورونا المستجد فهذ 24 ساعة الأخيرة، وهكذا وصل عدد المصابين فالمجموع ل8537، أي بمعدل 23,5 لكل 100 ألف نسمة.
وكشف المرابط أن جهة مراكش آسفي وكازا سطات سجلو اليوم أعلى حصيلة ب10 حالات لمل جهة، وجهة طنجة تطوان 6 حالات، فاس مكناس 2 حالات، والرباط سلا حالة وحدة، بينما الجهات الأخرى ماسجلات حتى إصابة.
وقال معاذ المرابط، منسق المركز الوطني لعمليات الطوارئ العامة بوزارة الصحة، فالندوة اليومية للترصد الوبائي لفيروس كورونا المستجد، أنه تسجلات 18 حالة شفاء اليوم، ووصل المجموع ل7583 ، أي بنسبة تعافي ديال 88,8 فالمية.
واليوم ما تسجلات حتى وفاة ، وهكذا استقر الطوطال ف211 متوفي، واستقرات حتى نسبة الإماتة ف2,5 فالمية.
ولحالات النشيطة بلغ عددها 743 حالة ، أي بمعدل 2 لكل 100 ألف نسمة، أغلب هذ الإصابات كتتوزع فكازا سطات (246)، ومراكش آسفي ب198، ثم طنجة تطوان ب156 حالة نشيطة، و85 حالة بالرباط سلا القنيطرة، بينما جهة درعة تافيلالت والداخلة واد الذهب خاليين من الحالات النشيطة.
والإصابات كلها اللي تسجلات اليوم تكتشفات عن طريق عملية تتبع المخالطين، وهكذا وصل مجموع المخالطين ل49350 مللي بدا الوباء فبلادنا، وبلغ عدد الحالات تحت المراقبة 6338 مخالط.
واليوم تستبعدات 16511 حالة إصابة بالفيروس، ووصل عدد الحالات المستبعدة فالمجموع ل364054 بعد ما خرجات تحاليل هذ الحالات سالبة.
بالنسبة للحالات اللي كاينين فالإنعاش فكيبلغ العدد ديالهم 9، أغلبيتهم فكازا سطات (5)، و4 حالات بجهة فطنجة تطوان، وخمسة منهم تحت التنفس الصناعي.
وهذا التوزيع الجغرافي للإصابات بالنسبة المئوية: