شوهة هادي فوقت "كورونا".. القيادي الاستقلالي فوزي بنعلال اللّي مات البارح دارو ليه كنازة على حقها وطريقها وخا الدولة مانعة هادشي -تصاور

شوهة خايبة فوقت "كورونا" وقعات البارح الخميس. كولشي عارف بأن الدولة مانعة الجنازات والعراسات والتجمعات الكبرى لمواجهة تفشي فيروس "كورونا" المستجد. لكن أعيان لبلاد مداينهاش فهادشي والمنع كيجي غير فالدرويش.
هاد الشوهة لي وقعات تتمثل في إقامة جنازة "على حقها وطريقها" للراحل فوزي بن علال القيادي البارز في صفوف حزب الاستقلال ورئيس بلدية هرهورة. لكنازة حضر ليها البشر ودارو لعيالات بوحدهوم والرجال بوحدهوم.
الجنازة دازت وفق الطقوس المعروفة. اكثر من هادشي. مكاين لا تباعد ولا احترام التدابير الاحترازية التي أوصت بها وزارة الصحة. كيفاش هاد لكنازة تدارت صحّة على السلطة. في القايد والباشا ورئيس الدائرة. فين العامل؟.
علاش فوزي بنعلال دارو ليه الكنازة والناس البسطاء اللي ماتو مشاو غير دفنو ليهوم بلا مياكلو عليهوم سكسو كيف دارو لفوزي.