بلاغ وزارة الداخلية بخصوص انتخابات 2021.. ها آخر أجل للتسجيل فاللوائح الانتخابية واللي بدل السكنى خاصو يعلم السلطات

علنات وزارة الداخلية ان جميع الناس اللي قافلين 18 لعام او فايتينها ف31 مارس 2021، وماعندهم حتى مانع قانوني، كيمكن ليهم يتقيدو فاللوائح الانتخابية برسم المراجعة السنوية لسنة 2021، قبل أجل 31 دجنبر 2020، باش يصوتو فالاستحقاقات التشريعية الجاية.
وحسب بلاغ لوزارة الداخلية، كيمكن تقديم الطلبات الجديدة، إما مباشرة لدى مكاتب السلطة الإدارية المحلية التابع لها محل إقامتهم أو عن طريق الموقع الإلكتروني: www.listeselectorales.ma.
وبالنسبة للناس اللي بدل محل سكناهم، وزير الداخلية كيعلمهم أنهم خاص يتقدموا قبل متم شهر دجنبر 2020 بطلبات نقل قيدهم إلى الجماعة أو المقاطعة اللي انتقلو ليها في نفوذها الترابي.
وبالنسبة للناخبين اللي غيرو السكنى ديالهم فنفس الجماعة، خاصهم حتى هوما يخبروا السلطة الإدارية المحلية التابع لمحل إقامتهم الجديدة، خلال نفس الأجل.
وفاي وقت، كيمكن للمواطنين المسجلين فاللوائح الانتخابية التأكد من البيانات الخاصة بهم عن طريق sms للرقم المجاني 2727.