حصيلة كورونا اليوم: 2143 مغربي تصابو و41 ماتو و3822 تشافاو

علنات وزارة الصحة على إصابة 2143 واحد بفيروس كورونا المستجد، ووصل عدد المصابين فالمجموع ل437332، ووصل مؤشر الإصابة التراكمي ل1204,3 لكل 100 ألف نسمة، بمعدل 5,9 لكل 100 ألف نسمة فهذ 24 ساعة.
وحسب نشرة كوفيد 19 اليومية، اليوم الثلاثاء، ماتو 41، وبلغ الإجمالي 7355، بنسبة فتك ديال 1,7 فالمية.
وتشافاو اليوم 3822، ووصل الإجمالي ل405251، بنسبة تعافي د92,7 فالمية.
وتحددو عدد الحالات النشيطة ف24726، وعدد الحالات الحرجة وصلو ل1121 حالة، معمرة أسرة الإنعاش ب36,1 فالمية.
ومن الحالات الحرجة، 170 تدهورات حالتهم غير هذ النهار، و98 تحت التنفس الاصطناعي الاختراقي.
واليوم كاين ارتفاع شوية فالتحاليل مقارنة مع قبل، بحيث تدارت 17806 تحليلة، خرجات منها 15663 سلبية.
وكتتوزع الإصابات والوفيات الجديدة على الجهات والأقاليم كما يلي:
وهذا المنحنى الوبائي اليومي والأسبوعي:
وهذو الوفيات الاسبوعية: