بحال كل اثنين التحاليل والحالات قليلة.. اليوم 456 واحد تصاب بكورونا من أصل 6883 دارو التحاليل

بحال العادة كل يوم اثنين كاين نسبة قليلة ديال تحاليل كورونا، فالغالب لأن هذ النتائج كتخص يوم الاحد اللي أغلب المؤسسات الصحية فيه كتكون ماخداماش.
اليوم علنات وزارة الصحة على إصابة 456 واحد فقط بفيروس كورونا المستجد، ووصل عدد المصابين فالمجموع ل452988.
وحسب نشرة كوفيد 19 اليومية، وصل مؤشر الإصابة التراكمي ل1247 لكل 100 ألف نسمة، بمعدل 1,2 لكل 100 ألف نسمة فهذ 24 ساعة.
وتدارت اليوم غير 6883 تحليلة، ووصلنا فمجموع التحاليل اللي تدارت منهار بان الوباء ل4621023 تحليلة.
وماتو اليوم 24 واحد، وبلغ الإجمالي 7767، بنسبة فتك ديال 1,7 فالمية.
وتشافاو اليوم 1110، ووصل الإجمالي ل426006، بنسبة تعافي د94 فالمية.
وتحددو عدد الحالات النشيطة ف19215 حالة، وعدد الحالات الحرجة وصلو ل1053 حالة، وعمرو أسرة الإنعاش بنسبة 33,3 فالمية.
ومن الحالات الخطيرة، 56 تدهورات حالتهم غير هذ النهار، و72 تحت التنفس الاصطناعي الاختراقي.
وكتتوزع الإصابات والوفيات الجديدة على الجهات والأقاليم كما يلي:
وهذا المنحنى الوبائي اليومي: