العدل كتشعل العافية فالفنيدق: شديتو لينا واحد منا وطلقو المعتقلين وخرجو بدائل اقتصادية

العدل والاحسان باغية تحضر فكاع الاحتجاجات فالمغرب. فين ما بان شي احتجاج عاطين رجليهم. البارح خرجات احتجاجات فالفنيدق اليوم دارو بيان.
الدائرة السياسية لجماعة العدل والإحسان في المضيق- الفنيدق خرجات بالزربة ودانت ما سمته "التدخل الامني" مساء أمس الجمعة، واصفة إياه ب"العنيف" في حق المتظاهرين السلميين. ما هدراتش الجماعة على اننا كنعيشو حالة الطوارئ٬ وراه ممنوع التجمعات. ما هدراتش على اش وقع للامنيين اللي قال بيان باللي تصابو.
العدل ماشي غير دارت بيان ولكن بينات باللي عندها ناسها فهاد الاحتجاج بل وباللي تشد فيهم واحد منهم. الجماعة طلبات باش يطلقو وبالزربة كاع المعتقلين٬ منهم ياسين رازين عضو جماعة العدل والاحسان.
العدل والاحسان دعت الدولة لخلق بدائل اقتصادية فهاد المنطقة.
العدل كدير السياسة. كحزب سياسي معارض للنظام واخا ما باغياش تعتارف٬ خاصها تضرب كلشي ديال الدولة. فين ما بان شي مشكلة تنفخ فيه. باغية تشعل العافية