حكومة الاسلاميين استثنت لي بواط والبيران من الدعم.. النقابي الزغموتي ل"كود": معرفتش علاش بوحدهم اللي مخداوش الدعم واش حيث كيديرو الشراب؟

استثنت حكومة سعد الدين العثماني، مستخدمي لي بواط (العلب الليلية) والبيران من الدعم المخصص للفئات المتضرة من جائحة كورونا.
وقال محمد الزغموتي، المسؤول المكلف بالقطاع الخاص في نقابة الاتحاد المغربي للشغل، في تصريح ل"كود" :"العلب الليلية سدو من الكونفينمون الأول أي منذ مارس 2020، إلى يومنا هذا"، مضيفا :"الغريب هوما اللي بقاو سادين مخداوش لا دعم ولا تعويض".
وأوضح الزغموتي ل"كود" :"كنشوفو ناس اللي عندهم علاقة بالسياحة، والمطاعم السياحية، والمرشدين، كياخدو الدعم"، مضيفا :"هاد ناس ديال اللي بواط والبيران واخا مديكلاريين فCNSSù".
وتابع النقابي ذاته :"معرفتش علاش مخداوش هادو الدعم، واش حيث خدامين فالشراب"، مردفا :"البيران للي عندهم الرخصة ديال المطعم خداو، أما البيران لي كيديرو غير شراب مخداوش الدعم".
وأكد الزغموتي ل"كود" أن النقابة استقبلت تنسيقية مستخدمي العلب الليلية، حيث ستتم مراسلة لجنة اليقظة والفرق البرلمانية للمطالبة بتعويض هذه الفئات التي تضررت من الجائحة خصوصا وأنها منذ أكثر من سنة وهي بدون عمل.
يشار إلى ان الحكومة صرفات دعم مالي لعدد من المستخدمين في قطاع السياحي والمقاهي والمطاعم المتوقفين عن العمل بسبب الجائحة، لكن استثنت لي بواط والبيران.