فضيحة هروب العائلات والقاصرين لسبتة لي شوهتنا فالعالم.. بنموسى ل"كود": مكاينش حلول سريعة ويلا كان الانصاف والكرامة مضمونة والفرص معطية نأكد ليك الناس كتحب بلادها وهادشي شفناه من خلال الزيارات اللي درنا

قال شكيب بنموسى، رئيس لجنة النموذج التنموي، في جوابه على سؤال "كود" بخصوص النزوح الجماعي لمغاربة قاصرين وعائلات الى سبتة، "الى كانت فرص شغل مزيانة والانصاف والكرامة مضمونة والفرص معطية نأكد ليك الناس تتحب بلادها".
وبخصوص الصور والفيديوهات اللي منشورة واللي كانت صادمة ديال القاصرين المهاجرين، قال بنموسى :"تلاقينا الناس وي باغين الهجرة ولكن ناس كتحب بلادها باغين فرص باش يساهمو فبلادهم"، مضيفا :"مشروع النموذج التنموي مبني على هادشي وباش يعطي اجابات لهاد الاشكالات".
وأوضح بنموسى، خلال تقديمه لخلاصات تقرير النموذج التنموي صباح اليوم بمقر أكاديمية المملكة بالرباط، أن الهجرة عطيناها تصور هيكلي على الامد الطويل، مضيفا :" كيفاش يكونو المواطنين في قلب المشروع التنموي، كيفاش يحسو بلاد تتضمن الكرامة ديالهم.. الانصاف لهاد المواطنين وتعطا الفرص للجميع ماشي غير البعض وبدون تمييز".
وأضاف بنموسى بالقول :"نفتحو مجالات الابتكار مجالات التشغيل في البعد المجالي (الجهات والاقاليم) وليس على المستوى المركزي.
وزاد بنموسى: "فموضوع التنمية مكايناش حلول سهلة وامكانيات بلادنا محدودة، ولكن من خلال الزيارات كاينين فرص وامكانيات خاصها الثقة والمسؤولية".