بعدما هزماتو المنصوري.. حميد نرجس تالف ومصدر ل"كود": حتى الاتحاد مزال معطاهش التزكية

حميد نرجس احد مؤسسي حزب الاصالة والمعاصرة، الف في اقليم الرحامنة، مهد البام، حاليا مزال مخداش تا شي تزكية باش يترشح، بعدما رفضو حزبو الاول.
مصدر قيادي في الاتحاد الاشتراكي قال ل"كود" مزال معطيناش لنرجس التزكية، مشيرا الى ان تزكية اغلب المرشحين للاستحقاقات المقبلة لم تحسم بعد.
نرجس دخل فصراعات مع قيادات البام، خصوصا فاطمة الزهراء المنصوري المرأة الحديدية فالبام، واللي هزماتو من خلال الضغط من اجل عدم تزكيته على رأس لائحة التراكتور للانتخابات المقبلة.
نرجس اللي هو خال فؤد علي الهمة، كان باغي منصب رئاسة الجهة، وهادشي غضب قيادات فالبام اللي قررو رفض ترشيحه.
الرحامنة فيها 3 مقاعد، ف 2016 جاب البام جوج مقاعد والبي جي دي 1، بحيث حصل التراكتور على كثر من 50 في المائة من الأصوات.
الخلاصة حسب مصدر "كود" المنصوري هزمات وطيحات نرجس.