حصيلة كورونا: 118 ألف خداو الجرعة الثانية من الفاكسات و3 ماتو

فالحصيلة اليومية لفيروس كورونا المستجد اللي علنات عليها وزارة الصحة اليوم الجمعة 24 يونيو، ففهذ 24 ساعة الأخيرة تقاسو 551، وماتو 3، وفالمجموع 3926 كيتعالجو، وكثر من 118 ألف خداو الجرعة الثانية.
التلقيح:
وتلقحو اليوم 54261 بالجرعة اللولة، ووصل عدد الملقحين بيها ل9810963 فالمجموع، بينما 118864 خداو الثانية، ووصلو هكذا فالمجموع ل8794393.
الإصابات:
تقاسو اليوم 551 واحد من أصل 13049 واحد دار التحليلة، ووصل عدد المصابين فالمجموع ل528731.
ومؤشر الإصابة التراكمي وصل ل1453,2 لكل 100 ألف نسمة، بمعدل 1,5 لكل 100 ألف نسمة فهذ 24 ساعة.
حالات الشفاء:
تشافاو اليوم 507، ووصل الإجمالي ل515537، بنسبة تعافي ديال 97,5 فالمية.
الوفيات:
واليوم ماتو 3، 1 فكل من برشيد وطنجة ووازان، ووصل هكذا عدد الوفيات ل9268، بنسبة فتك 1,8 فالمية.
الحالات النشيطة والحرجة:
عدد الحالات النشيطة طلع ل3926، وعدد الحالات الحرجة وصل ل207 حالة، 38 تدهورات غير اليوم، و4 تحت التنفس الاختراقي، أما نسبة ملء أسرة الإنعاش فبلغات ل6,6 فالمية.