نايضة ضد كيم كاردشيان بعدما دارت إشهار ديال فلوس رقمية مامعروفاش

وجهات هيئة الرقابة المالية البريطانية انتقادات كبيرة لنجمة تلفزيون الواقع كيم كاردشيان بعدما روجات لعملة سميتها "إيثريوم ماكس" (Ethereum Max).
الإشهار دوزاتو كيم في صفحتها هادي شهرين على موقع "انستكَرام"، واللي متبعها فيه أكثر من 200 مليون متابع.
وأكد رئيس هيئة السلوك المالي في بريطانيا، تشارلز راندال، أن "إيثريوم ماكس" ماعندو علاقة ب"إيثريوم"، اللي هي ثاني أكثر العملات المشفرة شيوعا في العالم بعد "بيتكوين".
ووضح راندال أن كاردشيان كان عليها توضح للمتابعين ديالها ملي دارت الإشهار اللي شادة عليه الفلوس، (توضح) بللي العملة المشفرة مجرد رمز رقمي مضارب صوبوه مطورين مجهولين مؤخرا، وأنه ما بينو وبين عملة "إيثريوم" والو من غير بعض التشابه فالإسم.