وقاحة هادي. كيفاش الزناگي مستشار سيدنا 6 اشهر بعد ما تعين دار شركة فالسيشل وباسبور فرنساوي واكتشفنا ان اسمو "هيگو"

هاد لفضايح اللي خرجات من قبل تجمع كبير لصحافيي التحقيق هاد المرة باسم "باندورا بيبرز" فرشات ياسر الزناگي٬ مستشار الملك محمد السادس.
فالمقال اللي نشراتو "لوديسك" باعتبارها عضو فهاد الكونسورتيوم الدولي لصحافة التحقيق اللي فرش كلشي٬ نكتشف انو 5 اشهر بعد تعيينو مستشار لسيدنا ناض الزناكي دار شركة ف2012 فالاوفشورين بالسيشل بباسبورو الفرنسي.
ياسر الزناگي اللي مكلف باستثمارات قطرية باش كان خدام فلندن٬ غادي يتشهر ويولي وزير السياحة فيناير 2010 بعد تجارب فابناك استثمارية بلندن.
لاماب باش قدماتو للمغاربة هدرات على مجموعتو « سينا گروب » ونساو ما هدروش حتى على واحد الاخت ديال هاد الشركة اسمها « سينا انڤيست » خلقها فيونيو 2009.
حسب ما نشرته « لوديسك » فالسي الزناكي فماي 2012 يعني 6 اشهر باش ولى مستشار للملك خلق شركة متخصصة ف « الاستشارة العقارية ».
الفضيحة كيف نشراتها « لوديسك » هو ان صاحبنا انشأها بباسبورو الفرنسي واكتشفنا ان اسمو هو « هيگو ».
كما كشف التحقيق ان شركة « سينا گروب ليميتيد » دارتها شركة اسمها « ال ابوت اوف شور » اللي كاين فالسيشل عبر باتريك بونلام وبيتر فاندر فالك. واحد من الجزيرة والثاني استرالي وان خوه هو اللي من بعد تكلف بالاشراف.
كما اوضح ان كلشي فهاد الشركة مجهول. يعني حتى شي حد ما يقدر يعرف شي حاجة عليها.
حسب تصريحات شي حد قريب من هاد المستشار الملكي، فهاد الشركة ما دارت حتى شي نشاط من نهار تخلقات.
كنعرفو باللي الوضعية كانت صعيبة فالوقت اللي دار فيها الشركة. كانت عشرين فبراير وفهاد اللحظة دارت الشركة.