"ال كونفيدونثيال" : المغرب طرح مناقصات لمزارع جديدة ديال تربية الحوت حدا الخط البحري اللي كيربط بين ألمرية ومليلية

albayancom0@gmail.com
مزارع تربية الأحياء البحرية يمكن غادي تكون هي الفصل الثاني ف الأزمة الصامتة بين المغرب واسبانيا، من بعد التطورات الأخيرة اللي وصلات حد تسليم مدريد للقائم بالأعمال بالسفارة المغربية مذكرة احتجاج على مشروع تربية الأسماك حدا الجزر الجعفرية. خرجات "ال كونفيدونثيال"، بخبر جديد عن طرح المغرب مناقصات لمزارع ديال تربية الحوت حدا الخط البحري اللي كيربط بين ألمرية ومليلية.
وقالت الجريدة الاسبانية، أن الوكالة الوطنية لتنمية تربية الأحياء البحرية علنات قبل أشهر عن مناقصة كتهم انشاء مزرعتين جديدتين للأسماك ف مياه مليلية وعلى بعد 1800 متر من الساحل ، في منطقة تقع على طريق العبّارات اللي كتربط بين ألميريا ومليلية وان هاذ المناقصة باقي ما تنشراتش ف الجريدة الرسمية المغربية.
وبالرجوع إلى الموقع الرسمي ديال الوكالة الوطنية لتنمية تربية الأحياء البحري كنلقاو أن الوكالة نشرات طلبات إبداء الاهتمام بإنشاء مزارع ديال تربية الأحياء البحرية بعدد من الجهات منها جهة طنجة – تطوان – الحسيمة ف بداية الربع الأول من 2021 وحتا ف البوابة الخرائطية ديالها كتوضح المناطق المخصصة لإنشاء هاذ المزارع حدا ساحل سبتة.
Marruecos licita dos nuevas piscifactorías en el trayecto del ferry de Almería a Melilla