فوضى التعمير فهروهورة مبغاتش تسالي. مصدر ل"گود": زمن الفوضى سالا والوالي صارم فتطبيق القانون على كلشي

الفوضى مبغاتش تسالي فالتعمير بجهة الرباط سلا القنيطرة، خصوصا في ظل استمرار بعض رجال السلطة من قياد ومسؤولين فالسكوت عن الاختلالات لي كيعرفها هاد القطاع الحساس.
من غير الرخص والتدابير القانونية لي خاص كل مطعم فاخر او عادي يتبعها ويتلزم بها، فإن اللي محتلين الملك البحري عندهم خصوصية بوحدها، هاد الخصوصية عنوانها البارز هو الفوضى وتحدي القانون.
الوالي محمد اليعقوبي من نهار جا للعاصمة وهو كيقاد ويتدخل فجميع الخروقات ويصيفط لجان، وهادشي وقفات عليه "كود" أكثر من مرة. والي صارم فتطبيق القانون ومعندوش مع "باك صاحبي" ولا صحاب عندنا مع الفوق.
معطيات توصلت بها "كود" من مصادر خاصة تفيد بأن اغلب المطاعم والحانات لي كاينين فالملك البحري كلها دايرا خروقات كثيرة.
هاد المطاعم لي كتحدا السلطة والقانون، حسب مصادر "كود" عليها تقارير سوداء وكتشوه بالجهة وبالعاصمة خصوصا وانها جات فالطريق الساحلية. ومن المرتقب أن تقوم اللجنة المختصة بزيارات لهذه الفضاءات قصد إجراء بحث حول عدد من الخروقات.
ماشي غير المطاعم اللي دايرة خروقات٬ كاينة حتى فيلات كلها خروقات وتبنات فوق الملك البحري وساكنينها شخصيات كبيرة.
وفي هذا السياق، تحركات الحكومة لرد الاعتبار لمدينتي الهرهروة وتمارة، بحيث ترأست فاطمة الزهراء المنصوري، وزيرة إعداد التراب الوطني والتعمير والإسكان وسياسة المدينة، بمعية محمد اليعقوبي والي جهة الرباط – سلا – القنيطرة، يوم أمس الأربعاء، اجتماعا للجنة المركزية للتتبع والتقييم الخاصة بكل من ببرنامج التنمية والتأهيل الحضري لمدينة تمارة 2016-2023، وبرنامج التنمية والتأهيل الحضري لمدينة الهرهورة 2020-2024.
هدف هاد جوج برامج هو التأهيل الحضري والعمراني للمدينتين وتحسين ظروف عيش الساكنة وجودة الحياة بهما، وذلك من خلال العمليات والمشاريع المهيكلة كالتأهيل الحضري للأحياء ناقصة التجهيز وغير المهيكلة، تأهيل وتهيئة الشوارع والطرق الرئيسية، تهيئة الساحات العمومية والساحات الخضراء، إحداث مرافق سوسيو-اقتصادية اجتماعية وثقافية ورياضية.
وتبلغ الكلفة الإجمالية المقررة لتنفيذ هذين البرنامجين، حسب بلاغ للوزارة، توصلت به "كَود"، ما مجموعه 432 مليون درهم، تساهم فيهما الوزارة بما يناهز 368 مليون درهم.