عاجل. ها تشكيلة الاسود فاول ماتش فالكان. بوفال وسامي مايي فالهجوم وامرابط والحدادي فالاحتياط

رسميا وحيد مدرب الاسود ختار تشكيلة مختالفة لتشكيلات المنتخب المغربي فاول ماتش ليه فهاد الكان الكاميروني. وحيد دخل لماتش غانا عن المجموعة الثالثة كل من ياسين بونو فحارس واشرف حكيمي وادام ماسينا ونايف لكرد وغانم سايس فالدفاع.
وفالوسط والهجوم ختار عمران لوزا وعزالدين اوناحي وزكريا ابوخلال وسليم املاح وسفيان بوفال وسامي مياي.
فهاد التشكيلة غايب فيها حدادي منير وسفيان امرابط اللي بجوج فالاحتياط بلا ما نهدرو على الكعبي وبرقوق اللي فيهم كورونا والنصيري المضروب.
الماتش غادي يتلعب فسطاد احمدو احيدجو بياوندي.
غانا داخلة الماتش بهاد التشكيلة اللي ختارها المدرب الصربي ميلوفان راجيكاش.
جوزيف لوك ولاكوت وانرو يادوم وطوماس ايو واندري مورغان ايو وباينتسيل جوزيف وعبد الرحمان بابا ودانييل امارتي وادريسو بابا وكمال دين سليمانا ودجيكو.