براڤو بوريطة. طيارات خاصة جديدة من مغاربة باسرائيل وصلات وتجمعات مافيها لا تباعد لا كمايم و4 حالات ايجابية =صور وفيديو=

https://www.facebook.com/watch/?v=1092134528276663&extid=NS-UNK-UNK-UNK-IOS_GK0T-GK1C&ref=sharing
البارح حطات طيارة خاصة بالمغرب جاية من اسبانيا وجابت معاهم عدد من حجاج الولي الصالح اسحاق ابو حصيرة نواحي ميدلت. هاد الطيارة ماشي بوحدها غير هي هازة ناس جايين من اسرائيل. جاو فرحلة عادية حتى لاسبانيا ومن بعد كراو دجيت بيريڤي ودخلو للمغرب.
هادو لقاو طريقة تعوض الغاء رحلة كانت مبرمجة عبر خطوط "العال" من تل ابيب للراشيدية. الخارجية المغربية فسرات هاد القرار باللي كان خاصهم يبقاو 7 ايام فحجر صحي ومازال عندهم غير 4 ايام ويرجعو فحالهم فرفضات ترخص ليهم.
واحد من هادو اللي جاو اسمو يوحنا حاييم وهو اللي كرا الطيارة وجاب صحابو. كان احتفال ونشاط قبل زيارة الولي الصالح. دار تصاور فهاد الولي.
قبل هاد الزيارة كان رئيس مجلس الجماعات الاسرائيلية بالمغرب سيرج بيرديگو دار بيان دعا فيه جميع اليهود بالمغرب بتجنب التجمعات واحترام التباعد والتدابير الوقائية اللي فرضاتها السلطات الصحية المغربية. واوضح البيان انو ما كاين حتى شي تجمع مسموح بيه. طبعا الفيديو والصور اللي عند كود كتبين العكس. كان النشاط وكان التجمع وما كانش التباعد.
وحسب مصادر ل"كود" فلحد الان لقاو 4 حالات كورونا فهاد الموسم.
بوريطة الوحيد المكلف بالترخيص لهاد الطيارات. هادا وزير الخارجية المغربي مخلي مغاربة عايشين فالمغرب حاصلين برا وكيعطي للي عندهم لفلوس يدخلو للبلاد فدجيت بريڤي. فضيحة كبيرة وبزاف