مغربي قتل بنت صاحبو ف بلجيكا وتحكم عليه ف المغرب ب 20 عام ديال الحبس

albayancom0@gmail.com
قال موقع "dhnet.be" البلجيكي، أن محامي عائلة بلجيكية استأنف الملف اللي كيعرف متابعة متهم كيحمل جنسية المغرب وبلجيكا بتهمة الاعتداء والضرب المتعمدين مما أدى إلى الوفاة دون نية إحداثة. الضحية هي ربيبتو، بنيتة صغيرة عندها عامين والواقعة طرات ف بلدية نامور في بلجيكا سنة 2005 والمتهم تحكم على ابتدائيا ف نونبر 2021، من طرف غرفة الجنايات الابتدائية ف تطوان ب 20 عام ديال الحبس.
وأضاف الموقع ذاته، أن العائلة والمحامي قررو يستأنفو قرار المحكمة وكيتسناو تشديد العقوبة عليه أكثر خلال المرحلة الاستئنافية. المتهم خلال المحاكمة ديالو، قال ان الضحية طاحت من الميزانين، وهو أمر غير منطقي في ضوء نتائج المحققين والطبيب الشرعي. وأثناء المحاكمة، اقتنع ممثل النيابة العامة بأن الضربات اللي تلقاتها الضحية كانت بغرض التسبب في الوفاة. الضحية ماتت متأثرة بجروحها بعد ثلاثة أيام من دخولها المستشفى.
وقال التقرير، أن المتهم هو زوج أم الضحية ونفى كلشي خلال المحاكمة ديالو وغير دار الفعلة ديالو هرب للمغرب، حكمات عليه محكمة استئناف لييج غيابيا ب 15 عام ديال الحبس. المتهم مكانش كيعرف أن أي مغربي ارتكب جريمة في الخارج ووجد نفسه على أراضي المملكة يمكن مقاضاته هناك ، بشرط ألا يكون الحكم نهائيًا.