خطير بزاف : هاشم البسطاوي ولد محمد البسطاوي من بعد ما اعلن الاعتزال ديالو ناض كايكفّر الاساتذة ديالو فالمعهد العالي للفن المسرحي ! وا شوف الضسارة كي دايرة! غدا و لا بعدو ينوض شي مسطي يشتت ترمتو فباب المعهد فين غانوليو ؟!

شكون بغا يكون هاد هاشم البسطاوي گاع فملك الله ؟ والو ! ممثل متوسط جدا ماشفناهش كايشارك فشي اعمال كبيرة و مهمة و الاعتزال ديالو ماشي خسارة للفن فالمغرب ! آ الما و الشطابة حتى لقاع أسراس!
ولكن باش يعتازل الفن و تفيق فيه ديك النعرة الظلامية و يولي باغي يكفّر عباد الله و يخرج فلايڤ كايقول انه كاينين اساتذة فالمعهد العالي للفن المسرحي ملاحدة و كفّار ! هادشي خطير و خطير بزاف ! و يقدر يمس السلامة ديال الأطر و الاساتذة د المعهد ! حيت راه هاكا كايبدا الارهاب بفحال هاد الخطابات التكفيرية حتى كاينوض شي نهار شي مسطي يشتت الزك ديالو فباب المعهد و لا يتعدى على شي استاذ تما فين غادي نوليو ؟
الهضرة ديال هاشم بسطاوي خطيرة ماخاصهاش دوز مرور " الكيران" هاد الخطابات التكفيرية يصحابنا صافي سالينا معاها مورا احداث سطاش ماي و الدولة تحزمات ليها ولكن مؤخرا بداو كايبانو شي جذورة د التطرف فالفايسبوك و انستاغرام باغين يرجعونا ليامات كانو البوليس بالنبل و البامبية بالسطولة !
آطونسيو ! ريحة التدعشش كاينة !