مهرجان تيميتار قريب يرجع لأكادير وسط المملكة

علمت "گود" من مصدر مطلع أن هناك بوادر لعودة تنظيم مهرجان تيميتار في أكادير عاصمة سوس، وسط المملكة، خلال منتصف شهر يوليوز المقبل.
وحسب مصادر "گود" بلي هاد العودة غاتكون على شكل جوج أمسيات كبار وسط يوليوز هاد العام، في انتظار تكون عودة شاملة لهاد المهرجان الكبير ف 2023.
هاد الصيغة ديال جوج أمسيات، ممكن تكون بداية إعادة الوهج الفني لمدينة اكادير، للي كيسيرها عزيز اخنوش رئيس الحكومة، و المؤسس الفعلي لمهرجان تيميتار.
مدينة اكادير محتاجة لهاد الوهج الفني محتاجة للنشاط والسياحة والفرحة، يلا دار المهرجان فوقتو غايكون متنفس كبير للساكنة والسياح الأجانب والمغاربة.
مهرجان تيميتار كيستقطب الموسيقيين المغاربة والعالميين ف أكادير كل شهر يوليو. توقف كثر من عامين بسبب الجايحة.
يضم مهرجان تيميتار بأكادير بالمغرب أكثر من 40 فنان و 500000 من الحضور ، وقد رسخ مكانته كواحد من المهرجانات الموسيقية الإفريقية الأولى. تعتبر تيميتار اليوم أحد أكبر المهرجانات في البلاد.
يشار بلي الدورة 17 المهرجان لي كانت غاتكون ف2020 تأجلت بسبب كورونا، ودبا ممكن ترجع.