رشيد المرابطي و آنا كوميت سيطرو على أول مراحل ماراطون الرمال

ربح المغربي رشيد المرابطي و الاسبانية آنا كوميت فالمرحلة الاولى من النسخة 36 لمراطون الرمال، و اللي كانت ليوما مابين تيمغالين و أكونون نامريوت فإقليم تنغير فمسافة ديال 30,3 كيلومتر.
قطع المسافة فساعتين و 4 دقايق و 16 ثانية، تابعو عزيز يشو بتوقيت ديال ساعتين و 4 دقايق و 37 ثانية، تابعو محمد المرابطي فالمركز 3 ساعتين و 10 دقايق و 16 ثانية.
قال رشيد المرابطي أن المنافسة كانت صعيبة خصوصا مع المنافس ديالو عزيز يشو، واضاف: الأهم هو كيفاش ندبر الجهد لمحطات ماراطون الرمال لي باقي فالبداية ديالو.
عند السيدات، ربحات آنا كوميت فالمرحلة الاولى من بعد ما قطعات المسافة فمدة ديال ساعتين و 52 دقيقة و 20 ث، تابعها الفرنسية سيلفين كوسوت من بعدهم المغربية عزيزة راجي.
قالت كوميت بلي مرحلة اليوم كانت سهلة مقارنة مع المراحل الجايا. في حين أن المرحلة الثانية غاتربط بين أومريوت ناكونون وريتش مبيركا(38,5كم) و المرحلة الثالثة غاتكون بين ريتش مبيريكا بالمهرش على مسافة (32,1)
952 متسابق و متسابقة غايشاركو ف فعاليات النسخة السادسة من ماراطون الرمال و لي غاتبقا تال 4 أبريل.