سكوب. بحضور بنموسى.. أخنوش لزعماء الأحزاب: خاصنا نحلو مشكل أساتذة التعاقد قبل مادوز هاد خمس سنين والترسيم بشروط

كشف مصدر مطلع حضر للقاء الذي جمع بين زعماء الأغلبية الحكومية مساء اليوم بالرباط ، أن عزيز اخنوش، أكد على ضرورة إيجاد حل لمشكلة أطر الأكاديميات التعليمية.
وحسب مصدر "گود" فإن اخنوش قال بلي ضروري هاد المشكل ديال المتعاقدين يتحل ويتم ترسيمهم.
اللقاء للي حضرو فيه بعض وزراء الأحزاب الثلاثة (البام، الأحرار، الاستقلال) ، هضرو بزاف على هاد المشكل، وقال بلي خاص الادماج ديال هاد الفئة ولكن بشروط خصهم يقبلوها منها التكوين المستمر والتأهيل المستمر، لأن هناك ملاحظات كثيرة حول كفاءات بعض المدرسين والمدرسات.
اخنوش واعد يحل هاد المشكل قبل ما تكمل ولايتو الحكومية. بحضور وزير التربية الوطنية والتعليم الأولي والرياضة شكيب بنموسى.
كاين نقط أخرى طرحو ف اللقاء منها ضعف فتواصل بعض الوزراء والكفاءات ديالهم.