هضرة دايرة على أوديو جديد منوض البلبلة وسط قضاة الجنايات فاستئنافية كازا وتوصلو بيه مسؤولين قضائيين كبار

albayancom0@gmail.com
تداعيات التسجيل الصوتي اللي كشف خروقات ف تدبير ملفات قضائية وممارسات كتمس استقلالية القضاة واللي خلق حالة احتقان كبيرة بين القضاة والمحامين مزال كتفاعل. ف الويكاند الاخير، دارت هضرة بين قضاة ومحاميين على أوديو جديد منوض البلبلة وسط قضاة الجنايات ف استئنافية كازا وتوصلو بيه مسؤولين قضائيين كبار ومفتش وزارة العدل وكلشي كيتسنا أش غادي يديرو ف هاذ الفضيحة الجديدة. الأوديو الجديد فيه اعترافات صادمة لقاضي بارز ف محكمة الاستئناف ف كازا، الهيئة ديالو كيدوزو عندها الملفات الثقيلة وتم تسجيلو بمدينة سطات.
ودخلات فيدرالية جمعيات المحامين الشباب بالمغرب على الخط، في قضية التسجيل الصوتي وطالبو بتدخل للمجلس الأعلى للسلطة القضائية، من أجل فتح تحقيق نزيه وشفاف مع الأسماء المساهمة في التيجيل الصوتي بشأن الوقائع المضمنة به، وترتيب الآثار القانونية على ذلك، بالنسبة للمفرط والمتدخل في استقلالية القضاء على حد سواء، وذلك من أجل إعادة الاعتبار للعدالة بكافة مكوناتها ولتعزيز ثقة المواطنين بها.
كما قررت جمعية هيئات المحامين بالمغرب، (أكبر تنظيم للمحامين فالمغرب)، عقد اجتماع طارئ اليوم الثلاثاء 12 يوليوز الجاري بالرباط، لمناقشة تداعيات التسريب الصوتي لي زعزع الجسم القضائي فالمغرب، ولي فيه اتهامات خطيرة ديال الارتشاء والنفوذ وتوجيه القضاة ف ملفات رائجة.