جينفر لوبيز بدلات سميتها من بعد الزواج على قبل راجلها

بدلات النجمة العالمية جينفر لوبير سميتها العائلية، وولات دبا دايرة "جينفير أفليك"، بعدما تزوجت بالممثل بن أفليك.
بزاف ديال العيالات تقليديا فمجتمعات "غربية" كيبدلو كنياتهم أوتوماتيكيا من بعد الزواج وكتزاد لسمياتهم كنيات الأزواج، وخا دبا ولى هادشي متجاوز، وأكثر من هذا أن مطلب الإلغاء ديال هاد التقليد رجع للواجهة كواحد من مطالب عدد من الجمعيات النسائية، اللي كيعتابروه فيه نوع من الاحتقار لهوية المرا وتاريخها واستقلالية شخصيتها وكيخليها تابعة للراجل حتى بالسمية.
وكيروج بللي جينيفر لوبيز دارت هاد الخطوة بناء على حبها لراجلها وماعندهاش مشكل، وخا كاين اللي انتاقدها وقال بللي ماشي ضروري تبدل سميتها.
Jennifer Lopez is changing her name after marrying Ben Affleck https://t.co/xFnqD8N29t
— billboard (@billboard) July 18, 2022
وتزوجات المغنية جينيفر لوبيز بالممثل بن أفليك
فلاس فيكَاس، وهما الكويل اللي كانو مصاحبين شحال هادي وتفارقو.
موقع"TMZ" المختص بأخبار المشاهير كان قال بللي جينيفر لوبيز تزوجات ببن أفليك، بعدما تخطبو فشهر أبريل اللي فات.
لوبيز وراجلها كانو غادي يتزوجو ف2003، لكن ماتفاهموش وفرتكو العلاقة ديالهم ديك الساعة، قبل ما يرجعو لبعضياتهم عاوتاني بعد 19 لعام ديال الفراق.