لائحة الرجاء ضد الوداد فأول ماتش لمنذر الكبير فديربي كازا

غادي يدخل فريق الرجاء الرياضي ماتش الديربي ضد الوداد الرياضي اليوم الأحد فستاد دونور فكازا، فمؤجل الجولة 6 من البطولة الإحترافية لكرة القدم، باش يربح ويؤكد الصحوة ديالو بالانتصار اللي حقق فاخر ماتش على حسنية أكادير.
التونسي منذر الكبير مدرب الرجاء واللي غادي يلعب أول ديربي فكازا اختار اللائحة اللي غادي يلعب بها الفريق الماتش ضد الوداد، وكتضم كل من حراس المرمى أنس الزنيتي، ومرباح غايا، مروان الهدهودي، وفالدفاع كل من مروان الهدهودي، جمال حركاس، وإسماعيل المقدم، ومحمد الناهيري، ومحمود بن تايك، وعبد الصمد البدوي، وعبد الإله مدكور.
وفوسط الميدان، محمد المكعازي، ووليد الصبار، عبد الحي فورصي، وحمزة مجاهد، وروجي أهولو، وعبد الرؤوف بنغيث،ومحمد زريدة، وفالهجوم اكسيل مايي، وزكرياء حدراف، وسفيان بنجديدة، وزكرياء الهبطي، وحمزة خابا، ويسري بوزوق.
للإشارة فماتش الديربي ما بين الرجاء الرياضي والوداد الرياضي غادي يبدا مع 4 عصرا فتيران المركب الرياضي محمد الخامس بالدار البيضاء، وغادي يعرف العودة ديال الجمهور اللي غاب عليه لمدة 3 سنوات بسبب جائحة كورونا وكذلك العقوبات اللي كانت مفروضة بسبب الشغب الرياضي.