وليد الركراكي: سولت اللعابا واش مازال فيهم الجوع وعلاش عزيز عليهم يمسو ليا راسي

أكد وليد الركراكي الناخب الوطني بلي العابا ديال المنتخب الوطني المغربي مازل طامحين يمشيو لابعد من ثمن نهائي كأس العالم قطر 2022، وما مقنعهومش الدور الثاني.
وكشف وليد الركراكي فتصريح له الحوار اللي كان بينو وبين اللعابا ديال المغرب من بعدما ربحو كندا وتأهلو لثمن نهائي كأس العالم وقال: " اللعبا عزيز عليهم يمسو ليا راسي حيث كيتفايلو بهاد القضية، وسولتهم واش مازال فيهم الحوع وقالو ليا أه مازل".
وكان عدد من اللعابا ديال المنتخب الوطني المغربي من بعدما سالا الماتش كندا، أكدو فتصريحات صحافية بلي فرحو بالتأهل لثمن النهائي وغادي يبداو يفكرو فيه باش يلعبوه وعندهم رغبة يمشيو لابعد نقطة فكوب ديموند ماشي يوقفو فالدور الثاني.
وكيحاول الناخب الوطني وليد الركراكي من كل ماتش يرفع معنويات اللعابا و يخليهم متحمسين باش يزيدو يربحو، وهاد الطريقة كان كيديرها حتى فالوداد والنتيجة كانت التتويج بالبطولة ودوري أبطال إفريقيا.