نابولي الإيطالي باغي يجمع شديرة وأوناحي

كشفت تقارير إيطالية أن الدولي المغربي وليد شديرة نجم باري الإيطالي متصدر بطولة القسم الثاني فإيطاليا غادي ينتقل إلى نابولي متصدر القسم الأول من بطولة إيطاليا، وأن الفريق الإيطالي باغي يحسم الصفقة ديالو كيفما باغي يدير مع المغربي الآخر عز الدين أوناحي نجم أنجي الفرنسي.
وحسب العدد الجديد ديال جريدة"corriere dello sport" ، فساعات أو أيام قليلة كتفصل نابولي على حسم صفقة المغربي وليد شديرة، وأن فريق جنوب إيطاليا باغي يتعاقد مع اللاعب المغربي فشهر يناير الحالي ويخليه مع فريق باري إعارة حتى لشهر يونيو المقبل.
للإشارة فوليد شديرة هو الهداف ديال القسم الثاني من الدوري الإيطالي ورفع الرصيد ديالو من بعد هدف اليوم إلى 10 أهداف، ولكن ما كانش موفق مع المنتخب الوطني المغربي فكأس العالم قطر 2022، حيث ضيع فرص حقيقية للتسجيل فكل مرة دخلو فيها الناخب الوطني وليد الركراكي قبل ما ياخد البطاقة الحمراء ضد البرتغال فماتش ربع النهائي وغاب على نصف النهائي أمام فرنسا.