22 طن ديال الحشيش مهربة من المغرب مخزونة فمطيشة ديال الميكا تحجزات فمالاگا – فيديو

قالت مواقع إسبانية، ان الشرطة الوطنية والحرس المدني حجزو فمالاگا أكثر من 22 طن من الحشيش المهرب من المغرب بقيمة 45 مليون أورو، قبل نقلها برا إلى التراب الفرنسي. هاذ الكمية الكبيرة ديال الحشيش كانت معبأة ف صنادق ديال الطماطم المزيفة.
وحسب المصادر ذاتها، تم العثور على كاميو صغير فمدينة مالاگا فيه تقريبا 2600 كيلوغرام من الحشيش مخزنة فصنادق من الطماطم المزيفة، وبعد تحريات ومداهمات بالمنطقة الصناعية فمولينا، تم حجز 19700 كيلوغرام من راتنج القنب، وتم تقدير الكمية الإجمالية ب 22370 كيلوغرام من المخدرات ب 45 مليون يورو، حسب صحيفة لا أوبينيون دي مالاگا.
وجرى اعتقال 10 أشخاص خلال هاد العملية اللي تنفذات في 10 يناير الجاري، كلهم كينتميو لمنظمة إجرامية كتنشط فتهريب المخدرات بين إسبانيا وفرنسا وعندها موارد بشرية وتقنية ومالية وكتخدم تحت غطاء شركة تجارية مشكلة بشكل قانوني.