الركراكي: المنتخب المغربي ما كيسرقش منتوج منتخبات آخرى حنا كنعطيو الفرصة للاعبين المغاربة اللي باغيين المغرب وماشي اللي كيبتزونا

أكد الناخب الوطني وليد الركراكي أن اللاعبين اللي غيعيط لهم للمنتخب الوطني المغربي خاصهم يكونوا باغيين يلعبو للمغرب وعندهم الرغبة فهادشي، وأن المنتخب الوطني المغربي غيعطي الفرصة لاي لاعب فالخارج من أبناء المهجر باش يحمل القميص الوطني بشرط يكون هو باغي يلعب للمغرب وماشي يدير ليكيب ناسيونال طريق أو يضغط على الجامعة والسطاف تيكنيك.
وخلال المرور ديالو فراديو "rmc" الفرنسي تحدث وليد الركراكي على اللاعبين اللي عندهم جنسية مزدوجة، وقال أن الجامعة الملكية المغربية لكرة القدم عندها منقبين فعدد من البلدان الأوروبية على المواهب المغربية اللي باغيا تحميل توني ديال المنتخب الوطني المغربي وبلي سنوات وهم خدامين وكيتواصل مع اللاعبين المغاربة ديما.
وأكد وليد الركراكي أن المنتخب المغربي ما كيسرقش منتوج ديال بلدان آخرين، ولكن كيعطي الفرصة للاعبين اللي باغيين يلعبو للمغرب وهذا حقهم وغياخدوه، وشدد أيضا على اللاعبين المزدوجين الجنسية خاصهم يكونو يستحقو يلعبو للمنتخب المغربي ماشي يبداو يبتزو فيه ويقولو له راه غيمشيو يلعبو مع فرنسا ولا بلجيكا ولا ايطاليا باش يعيط لهم.