الحكومة هزات يدها قدام الغلا.. بايتاس: هادشي معجبناش ودرنا إجراءات كثيرة ومحققناش الهدف لي بغينا لأن المشكل أعقد مما نتصور وكاينا تلاعبات فماطيشا واخا وقفنا التصدير نهائيا

اعترف مصطفى بايتاس، الناطق الرسمي باسم الحكومة، بعدم قدرة الحكومة على الحفاظ على الأسعار، مؤكدا بأنه "لا يمكن إنكار ارتفاع الأسعار".
وأضاف بايتاس، في الندوة الصحافية الأسبوعية عقب اجتماع مجلس الحكومة، الخميس 23 مارس 2023، "حتى واحد فالمسؤولين ما كينكر ارتفاع الأسعار والتقارير كتقولها، وتقارير المندوبية السامية للتخطيط، وقمنا بإجراءات كثيرة لم تحقق الهدف لي طمحنا ليه، لأن المشكل أعقد بكثير.. مشكل الوسطاء لا أحد ينكر ذلك".
وأوضح بايتاس: "معجبناش هادشي لي وصلات ليه الطماطم، وخصوصا ناس لي عندهم دخل ضعيف.. ميمكنش نتكلمو على التصدير فهاد الظروف".
وتابع: "موضوع المضاربات، حنا ماكنعرفوهش المضاربين حيث يلا كنعرفهم غانعاقبوهم".
وشدد بايتاس بالقول: "وقفنا التصدير بشكل نهائي وزدنا من الانتاج وكثفنا من المراقبة"، مستغربا من الدعوات اللي بغات يفتحو التصدير للخارج بالقول: "مغاديش نقتحو التصدير دبا لأنه خصنا نعمرو السوق الوطنية وتهبط الأسعار، وفيناهو التضامن؟".
وأكد بايتاس: "مكاين تا منطق باش توصل ماطيشا لهاد السعر اليوم، مخصهاش توصل ليه، الكمية اللي دخلت لإنزكان اليوم كتجاوز 1000 طن، وقبل ثلاثة أيام كادخل غير 300 أو 400 طن علاش علاش، واش نحاسبو الحكومة على واحد دخل السلعة وعاود خرجها".
وأشار بايتاس ها منظومة الاختلالات تشتغل لسنوات، واش غاتجي تحارب في هادشي بين عشية وضحاها، مؤكدا:"الحكومة لم تفشل".
وذكر بايتاس ببعض الدول المتقدمة لي وصلت فيها ماطيشا ب9 أورو، موضحا: "مكاينش شي صالير تقدر تشري به هاد ماطيشا".
وتابع :"رئيس الحكومة دارت توجيه جديد للوزراء المعنيين باش يديرو المزيد من التتبع".