اش واقع فالبلاد : بلدية الناظور داتها الأصالة و المعاصرة

بعد تحديد يوم10 يناير موعدا للنطق النهائي في قانونية المجلس البلدي لمدينة الناظور ولي الرايس ديالو طارق يحيى و لي من المرتقب يطير من بلاصتو لأسباب كيعرفوها صحاب الحال و بمباركة الساكنة الناظورية لي طلعاتليها العياقة ديال طارق في الراس.
الحركة خدامة باش يعمرو البلاصة ديال السي طارق لي غادي يديرو ليه باي باي يا طارق باي باي، و بلافران استطعات من مصادر خاصة تتوصل للخطة المقبلة لتشكيل بلدية الناظور وهاد السناريو مؤكد .
الرئاسة غادي يديها عزيز مكنيف من بعد ما يطلق الرئاسة ديال الغرفة التجارية و النيابة لسليمان حوليش والنائب الثالث محمد ازواغ ديال البام و هادشي من بعد الاتفاق الأخير على انضمام عزيز مكنيف الى حزب الاصالة والمعاصرة بعد تشكيل رئاسة البلدية طبعا اي ان الرئاسة في الاخير تكون من نصيب حزب الهمة و التحالفات غادي تكون على الشكل الأتي.
4اعضاء من لائحة مكنيف
7اعضاء من لائحة حليش
3 اعضاء من الاصالة والمعاصرة
3اعضاء من لائحة طارق يحيى
4 اعضاء من لائحة مصطفى ازواغ
3اعضاء من لائحة الرحموني
المجموع 24 عضو اغلبية جد مريحة وهاد الاربعة والعشرون سيلتحقون بحزب الاصالة والمعاصرة و بذلك غادي يحقق حزب الياس ما بغا فالريف و مبروك على المنطقة سيادة البام