"أنا زهرة" تنشر كلمات أغنية أصالة للثورة السورية

حصلت "أنا زهرة" على كلمات أغنية أصالة الجديدة التي ستطرحها خلال الساعات القادمة وتقدّمها كمعايدة لثوّار سوريا، خصوصاً بعدما طالبها محبّوها وجمهورها بتأدية أغنية تثبّت فيها موقفها من الأحداث التي يشهدها بلدها.
وتقول كلمات أغنية المطربة السورية التي أُطلق عليها لقب "فنانة الثورة": "آه لو هالكرسي بيحكي، كان بيصرخ كان بيشكي، وبيتأفأف وبيتلوع ويمكن حتى ينوح ويبكي، هالكرسي عايف أفطاسه، ما حدا عم بيعبي راسه، وكله بيتغنى بإحساسه وبالحقيقة كله بيحكي. هالكرسي بيعمل عمايل بيعمل للأصلع جدايل، بيخفي لصحابه الرزايل، بركي بيصحوا مرة بركي.... عالكرسي صاحب معالي، سيفه على شعبه بيلالي، وبيعمل حاله نضالي، وبالمخفي عم يشرب وسكي... واللي بيقعد ما بيتزحزح، ما بيتحرك ما بيتلحلح، وبأحلامه بيطير بيشطح، وبيقلك هالكرسي ملكي... ما بيتنازل عنه أبداً، ما بيتخلى عنه أبداً، وبيتمنى يضلو أبداً مع أنو ما بيعرف يحكي، هالكرسي بطل يتحمل، والباشا كل ماله بيتقل، ولما الكرسي قالو ارحل، صار الباشا ينوح ويبكي، آه لما الكرسي بيحكي".
وفي نهاية الأغنية التي كتب كلماتها رامي نصري، ولحّنتها أصالة بنفسها، ستقوم الفنانة بتأدية موّال جاء فيه: "كل الكراسي تكسرت، من درسك تعلم، كل العلم ما بينفعك، والشعب بطل يسمعك، وكل القتل ما بينفعك، كان فيك تتعلم، سكتنا كتير عالظلم، لا تقول ما عندك علم، لما الجرح علم، بدي بصراحة انصحك، تبقى ما رح تزبط معك، لك روح وتعلّم، شفلك حدا بيرضى القهر، ناسي الكرامة من دهر، نحنا انقهرنا، والقهر خلانا نتعلّم".
من جهة ثانية، تطلّ أصالة صباح بعد غد السبت على قناة "العربية" ضمن برنامج "صباح العربية".
وكانت أصالة قد رفضت اختزال سوريا بأكملها في شخص واحد، مشيرةً إلى أن وطنها ملكٌ للشعب السوري العظيم ،مضيفةً أنها غير مقتنعة، هي والملايين على امتداد الوطن العربي، بما يقال عن الثوار من أنهم مجرمون ومخربون.
وأضافت أصالة: "نحن ناس نطالب بأبسط حقوقنا، ونريد بلداً ننتمي له، ونفخر به، ونحس أننا نملك جزءاً فيه، ولا نحس أنه تابع لشخص، لأن عمر الوطن ما يتبع لشخص، ولا يتسمى باسم شخص".