نكت 20 فبراير

واحد نزل المسيرة كايكول يسقط مبارك يسقط مبارك، جاو عندو الناس كالو ليه مبارك صافي مشا شحال هدي، كاليهم و لا مبارك مول الحانوت مكايبغيش إعطني لكريدي.
واحد ولد 10 سنين كالو ليه سير شارك فالمظاهرة وطلب لي عجبك راه هد الأيام لي غوت على شي حاجا كايعطيوها ليه. مشا واقف معا الناس وهما إجيو عندو الصحافة ...سولوه، أشنو هي المطالب ديالك. كاليهم بغيت پلاي ستايشن ويبادلو علييا داك الاستاد ديال الرياضيات.
شي بنات واقفين فالمظاهرة جات عاندهم الصحافة چالو ليهوم باش كطالبو؟ لبنات چالو حنا بغينا نكونو بحال لمصرييات، بغينا تعدد الا زواج. چاليهوم علا مصر وافقو لعيالات على تعدد الا زواج. چالو ليه ويلي علاه ماشاتي أ زواج الحاجة زهرة
واحد السكايري داز حدا الماسيرات ديال 20 فبراير، جاو الصحافة ماعارفينوش و ساولوه: واش نتا من مناضلين فيسبوك؟ هو إوچوليهم فوسموك هدا
تجامعو شي مؤطرين ديال المسيرة كايقريو الناس الشعارات لي خاصهم إچولوها فالمظاهرة. چاليهوم كولشي إچول نريد حل البرلمان. هو إهدر واحد چاليه ولكين فين الساروت؟ جاوبو واحد آخر چاليه وراه كايين لعساس ألمكلخ
العدل والا حسان، اللملحدين وقوم لوط دايرين إجتماع باش إناقشو المسيرة. بداو بركن التعارف.بداو العدل والا حسان كايقدمو نفوسهم:
اللول أخوكم في الله أبو مريم، التاني أخوكم في الله أبو سعيد، وصلو للملحدين
هو إچوليهم: عدو الله ابو طچية
واحد من قوم لوط واقاف فالمسيرة جاو عاندو الصحافة: أشنو المطالب ديالك؟ چاليهوم ويلي هد المغرب كولو مافيه المكياج ديال الرجال، باغين تردونا عيلات أولا، إو هدا هو المنكر
واحد لبنت تفاركسات مزيان أومشات عند لكوافور أو خرجت لمسيرة. مفراسها مايتعاود مشات مسكينة وقفت حد شي بعضين من قوم لوط. جا عندها واحد الصحافي چاليها نت باين عليك ماخاصك حتا خير، باش كطالبي؟ چالتلو لا انا كانقلب على راجل. هو إچوليها إوا غير شوفيليك بلاصا أخرى أما هنا ماكاين رجال
واحد عاندو 70 عام نزل لمسيرة وبق كيچول التغير التغير...جاو عندو الصحافة چالو ليه الحاج أش مازال باقي ماتغير فهد العمر، چاليهوم مراتي طلعات ليا فالراس
نزلو وحد لچرووپ ديال المتظاهرين لمسيرة كايرددو الشعارات ديالهم. واحد منهم مشا بوحدو وبدا كايغوات نعم للحكم الذاتي، نعم للحكم الذاتي ، هما يدورو فيه صحابو چالو ليه أسي حنا متفقناش على هدشي. هو إچولهم أنا حاكما فيا مراتي دابا باغي نحكم فذاتي
قبل ماتكمل المسيرة لبارح، بدا واحد من المتظاهرين كايغوات وكايچول ناري هرب، ناري هرب...كولشي الصحافة جراو عاندو وهما إسولوه: شكون، شكون لي هرب؟ هو إچوليهم: واحد سرق ليا لبصطام.