بنكيران يصف شباط ب"هبيل ديال فاس" و يتهم الباكوري بإرسال البلطجية إلى مهرجاناته

ما زالت حملات عبدالإله بنكيران الانتخابية تتميز بالإثارة و القفشات على عكس باقي الأحزاب الأخرى، حيث وجه كلاما ساخرا لخصمه اللدود حميد شباط في مهرجانه الخطابي.
وقال بنكيران أمام مناضليه : « داك لهيبل ديال فاس قالو ليه خرج من الحكومة وغادية تيطح وسنمحك رئاسة الحكومة وهو يتيق، راها خلات على فاس وأهلها ملي ولا بحال هذاك زعيم ديال الاستقلال يا خسارتاه ... من كثرة غبائه ،فتحوا له التلفزيونات وأرسلوه في سفريات للخارج،ومشا لباريس وشاف برج إيفيل وهو يرجع لفاس وجمع الحدادة ديال المدينة و قال ليهم بنينو ليا برج بحالو... وبقاو دوك لقجاقج حتى جا سيدنا وقال ليهم حيدو عليا هاد لقجاقج .
كما وجه بنكيران مدفعيته الكلامية نحو الأمين العام لحزب الأصالة والمعاصرة حيث قال في حقه : « واش واحد كان من مدير بنك ،وبين عشية وضحاها يريد أن يسير المغرب،واش آسي بكوري عمرك خضتي الانتخابات، واش عمرك دوزتي اجتماعات حزبية مطولة، ياك كنتي عايش و في فمك ملعقة من ذهب، ملي كنتي مدير السي دي جي و كتتمتع بامتيازات..مكتحمش أسي البكوري ..وأخا انت راجل طيب هادي السياسة كفظ على دراعك إيلا كنتي راجل ومترسلش ليا المشوشين للتجمعات... أنا بعدا والله منرسل ليك شي حد يشوش عليك »