قرر عبد السلام العسال مقاضاة مكتب السكك الحديدية بسبب الضرر الذي تسبب فيه توقق القطار بشكل مفاجئ، لابنه رفيق صباح اليوم في الطريق بين الجديدةوالدارالبيضاء، حيث توقف افجأة بسبب عطل مما جعل عددا من المسافرين يقطعون مسافات طويلة مشيا على الأقدام من بينهم ابن العسال، الذي كاد أن يفوت امتحانا في كلية الطب والصيدلة. وكتب العسالي على صفحته في الفايسبوك : "صباح الزفت مرة أخرى على لخليع وقطاراته المهترئة.. كعادة كل قطارات لخليع المهترئة، توقف قلب القطار القادم من الجديدة إلى الدارالبيضاء قرب محطة اثنين هشتوكة هذا الصباح من يوم الثلاثاء 29 ماي 2018، وكان يحمل على مثنه مجموعة من المواطنات والمواطنات الذين لهم أغراض مستعجلة، موظفون/ات، مستخدمون/ات، طالبات وطلبة بعضهم كان على موعد مع الامتحانات في نفس هذا الصباح، أشخاص لهم مواعيد طبية أو أغراض إدارية مهمة….لم يجد الركاب غير طريقة الاعتصام بين سكتي القطار للاحتجاج على توالي الأعطال والتأخيرات التي أصبحت قاعدة ثابتة في قطارات لخليع." وتابع :"ابني كان أحد ركاب القطار وكان له موعد مع أحد امتحاناته المصيرية في كلية الطب..أنا الآن بصدد رفع دعوى قضائية ضد لخليع، ولهذا فأنا أطلب من كل راكب/ة أو من أقارب أي راكب/ة ممن سيطلعون على هذه التدوينة الاتصال بي على الهاتف رقم 0663622474 من أجل دعمي في هذه الدعوة القضائية التي هي في مصلحة جميع ركاب هذه القطارات المهترئة، قد أحتاج إلى شهاداتكم يا أصحاب الضمائر الحية، فهل من مستجيب/ة؟". ابن عبد السلام كذلك شارك تدوينة على حسابه في الفايسبوك يسرد فيها معاناته مع قطار الخليع. وجاء فيها :"اليوم كان عندي امتحان في كلية الطب و الصيدلة في الدارالبيضاء مع 11h ديل الصباح فوحدة من بين أهم المواد ديال المسار الطبي (la pédiatrie ) و لي كتحتاج وقت طويل ديال القرايا و السهر حتى نصاصة ديال الليل باش تقدر تكمل العشرات ديال الدروس لي كاينين فيها…. باش نجي ندوز الامتحان خديت طران من الجديدة مع 7h22 و لي كان خاصوا اوصل الكازا مع 8h35 …خديت ديال 7h واخا كازا قريبة حينت عارف طرانات ديالنا كيديرو الروطار…و بغيت نوصل لكازا قبل 2h30 من الامتحان نراجع فيها شوية حينت داكشي كثير كيتنسا…. مع 7h50 طران طفا وسط لخلا….وقف عن العمل…و بقينا گالسين أكثر من 30 دقيقة معارفينش شنو واقع بلا مايدوي معانا حتى مسؤول شويا الناس لي كانو في مقطورة Wagon الثانية خرجوا كيغوتو ……تبعناهم كاملين و لقينا الطران كيسيل من التحت و كيطلق الدخان و ريحت الحراق…. و أكدوا على أن الريحة شموها من الجديدة و لكن كانت خفيفة و دابا تجهدات بزاف و حسوا بالاختناق و خافوا على راسهم….من بعد كيخبرنا contrôleur أن الطران فعلا خسر و خاسنا نتسناوهم اجيو اصيبوه…..و حنا وسط الخلا و أنا باقي ليا 2h على امتحان قريت ليه أسابيع و سهرت عليه ليالي….كنعيط لدارنا ناعسين و التليفون silencieux بقاو الناس كيحتجوا و كيصورو و گالسين فوق السكة و أنا معرفت مندير وسط هاد الخلا و هاد الحصلة…. وملي عرفت القضية بدات كتحماض هزيت حواجي و الباليزا و بديت غادي فهاداك الخلا بحال الهبيل و شتا كتصب عليا كنقلب على شي حد اديني الكازا و لا شي دوار فيه الطاكسيات….درت GPS لقيتنا قراب شويا لاثنين شتوكا…تمشيت 25 دقيقة وسط التراب والشتا حتى وصلت المحطة ديال ONCF ديال اثنين اشتوكة….لقيتها دايرا بحال شي دار مهجورة و جات وسط الحقول و الغنم…. في طريق عيط ليا بابا و شرحتلو گالي غادي اطير اجي سولت شي فلاحة و وراوني طريق السونطر ديال اثنين الشتوكا و تمشيت فهاداك التراب و الغيص حتى وصلت "المدينة"…..بقيت كتنسنا فبابا وصل عندي مع 10h05 عاد شدينا طريق لكازا و صلت قبل الامتحان ب 10 دقائق…دخلت و الأستاذ سد الباب. وأضاف: "أنا بعدا وصلت….واخا وصلت مكرفص و حالتي حالة و فيا البكية و الغضبة و stress…حينت كنشوف راسي غادي نضيع في امتحان هاكاك…و كنشوف كيفاش هاد الدولة مكتعتابرش المواطنين….بحالا حنا معدنا ميادار و بغينا نمشيو في طران ديال 7h20 نهار رمضان….راه كل واحد شد هاداك طران كان عندو غاراض…خدمة امتحان entretient مطار….و كلشي تعطل على الشغل ديالوا حينت طران كان خاسر أصلا من الجديدة و رغم ذلك قطعوا لينا التذاكر و سيفطونا فيه…باش نلقاو راسنا محبوسين وسط الخلا و معدنا حتى فين نتخباو على الشتا." يشار أن عددا من المواطنين كانوا قد وقعوا ضحية الموقع الإلكتروني الجديد لمكتب السكك الحديدية مساء يوم الأحد الفارط، حيث تبين أنه لا يتم تحديثه حيث تفاجئوا بعدم وجود قطار يقلهم من البيضاء إلى الرباط والقنيطرة مما جعلهم يتوجهون الى محطة ولاد زيان في ساعات متأخرة من الليل.
