الموت ولاّت تخْتار

الزمان عكّاز يفسخ جلدو
يسعى للما
يجبد منّو كتاب النور
يعطيه للساكنين فيه
يا ليعة اللّي قرا ساعاتو ساهي
كل حرف منّو ... هارب
نافي الحق
نافي الباطل
الباطل حق و الحق باطل
واهب الحيرة للعقل .
السترة مفتاح السفر
الوحدانية عشيرة
اجمعني يا من صوّرتِني في لوحتك
نكون ورقة - تكتم حروفك
نكون سر الخلوة
نكون الخرقة
نكون مول القلم عند الجذبة
ويلا تخاصم معاك الحرف وقَّرني ،
بعَّد للخلا ....
ادفن راسك في جواك ،
ويلا بغيتِ تنجى اخرج من الحروف .
الحروف سحر
الحروف حياة
الحروف يحكمو
يسلْطنو اللّي يعشق الزّين
ويلا غضبو و نكْرو ( انتَ )
ما تبقى صلة
ما تبقاش ( انتَ )
...........
كيف يا مسخوط الحروف تنجى
وتخرج من غابة الحروف
بلا رفا ة ؟
............................
............................
الصايل على الزمان غاير من الحرف
إيلا نطق
الصمت نغمة مستورة
بعيدة
إيلا الحرف كتم سرّو
............
الحرف شاعل
الحرف مكتاب مقدّر
الحرف خزنة ? فيها المفتاح
الحرف نار
.............
تمهّل ياعاشق الحرف في حريقك
لعلَّ يندّي عليك برضاه .
الصمت كلام
الرا دينوض ....
يقول كلامو
جا الوقت
تعمى العين
إيلا شافت غيرو
النور يمحي
المعنى طار،
خفت نظهَّر وجهي بالبيان
نزيْدو - يتَّمْحى
والمراية تطيح .... هْبا
...................
....................
البحر ظلام ملحَّف بالضو
ترعى فيه الحروف
وانا موجة .... منُّو فيه
قال تحمَّلتك بين الحروف
لا تخلِّيها ضاحكة عليَّ
راها صامتة
مسرارة
فيها البَرَكَة
حاضنة السر
اكتب ... اكتب
اكتب بلا ما تحسب
......
شوف الزمان ، الوهم هو حسابو .
بغيت نموت
درت مادارو الاولين
مالْقيت جواب
مشيت نفتَّش
لعلَّ شي متلِّي- ناخذ منّو السْباب
باش نسلك
بديت نعرف وانا في العش
جنَّحت ....
عامت عليَّ النار
ولمّا ذقتْ سر الوحدانية
همدت النار
.............
.............
شكون أنا
شكون انت ؟
......
منين نجيب الظلمة
إيلا فاض النور ؟
......
ركنت في الظلمة
تربَّعت،
عكَّزت على العمى ،
لقيت راسي
بان لي مكتَّف دايرين به الالوان
كيف يخرج من الظلمة ، ويبقى قريب
يبقى حاجب وكاشف
الظلام ما يدخل الظلام
كيما الضو ما يدخل للضو ؟
السر في الحرف
اللّي بغاها تكون
ياريتْني نكون حجاب الحرف
( يلبسني
نحضنو
نشملو،
يكون منّي
نكون منّو
لكن .... الحرف عاصي
قال أنا مامعروفش
برّاني
مخلوي
معدن شفّاف
الطين حاجبو ومنّو الولادة )
في الحضرة نتَّحْرق .
.................
................
ادخل لقبرك
تلقاني وحدي
اهرب تلقى ذاتك
كن فايق من الداخل
الجيم في الجحيم
الجيم في الجنة ،
عنداك تلاقي الحروف
تشعل طافي ....
اخرج سوقهم تلقى ذاتك
مابقى لك غير تكون متفرَّد
ادخلهم تلقى ذاتك
..............
...............
تعشْقيني
كن كنتْ شْتا
تلبْسيني
كن كنتْ طشاش البحر
تلوْنيني
كن كنت ظل
ترسميني
كن كنت « ماكاين »
لكن ....
أنا رماد وانتِ نار
الما بيناتْنا قنطرة
الضو يخيَّط عرقنا بالظلمة
ويدلّي الخامية على خيالاتنا .
نغير من يدي تنوب عليَّ
تقرا بين السطور
تتْهجّى « التفاصيل » و « الحواشي »
تفتح « العجمة «
تسند النقطة ،
نغير من عطري
لمّا يستَلْغى له شمَّك ،
نغير من عيني
لمّا شافت شامة على النهد
ضاد أو نون .... حال منصوب
وفرحتي محادية الحلمة .
بسمتك كفن نفتل منّو حبل ،
نشهق .....
تخرج روح تدخل للروح
.........
أنا مدفون وانتِ القبر .
لالّة الحرّة انتِ قصيدتي
سايبة
صايلة
علا َّمة السربة ،
إيلا قرايْتِنِيبعينيك مغمْضة ، لاش الميزان ؟
نغير من ظلّي
لمّا ظلّك يدفنو ،
نغير من عرقي
لمّا عرقك ينشفو ،
نغير من راسي
إيلا محيْتيه في دوايتك
وفنَّن الكلام الضاوي من فْنانا ،
غطّانابريحْتو ....
واسْتَر حروف الزين فيك .
نزيد نغير من عَرقي
إيلا غرق في عَرقك
وبلَّل الورقة بالحروف ،
نزيد نغير من ظلّي
إيلا اندس بينّا ،
نزيد نغير من نارك
إيلا شعْلتْني وحصْدَت رمادي .
انتِ لام وانا ألِف
« مَتْوالْجين « كيف النهار و الليل
« مَتْفانْيين « كيف الحي و الميت
« سياميِّين « والقلب واحد
شوفي عيني ?تقْراي ورا الحجاب
السر يريب
الكسْدَة تهْبَا
........
وما يْفِيق الطير غير إيلا رشِّيناه بالحروف
..........
كان رمادو من الحروف
.............
.............
يالالَّة ....
مولاتي القصيدة
تمنِّيت نكون كسْدة من الحروف
لعلَّ نوصل لك
ونخبِّي الموج في المْحار ،
تولّي امراة
نتْزَوْجَك ،
لكن ....
بقيتِ حاجْبَة
في » جنان الصمت « بالأنْوار.
طمَّعْتيني ب « الفَنا »
نكون الليل
تدفِّيني فيك
وتكوني النهار .
طلَبْتِ قبري يكون صداقك ،
مشيتْ عند الموت ?نسْعى ،
لقيتْ الموت ولا ّتْ تخْتار
غادرني النص فجر 10 يناير 2011