بعد أن وصفه بالملحد.. أسامة رمزي يرد على الشيخ سار

رد الكوميدي الشاب أسامة رمزي، عبر حسابه في فيسبوك، على انتقادات الشيخ سار الأخيرة، التي اتهمه فيها بالملحد، لأنه اختار الكوميديا مسارا له، وحاول بذلك تعريفه بسيمات المسلمين، التي افتقر لها خلال انتقاده له.
وكتب أسامة في بداية رده: "واخا أسي إلياس لخريصي أو الشيخ سار غادي نجاوبك، ونتمنى ما تمسحش التعليق، وتبلوكيني ف كل مرة كاتحس ب شي واحد مختلف معك فالرأي اللي فالأصل الاختلاف لا يفسد للود قضية. على أي قلتي عليا ف الفيديو ديالك ب فمك عليا ملحد، والجملة هي ماللي الملحد كايبغي يولي فنان، ولا كوميدي وعلى حسب معرفتي المتواضعة فالدين الإسلامي اللي أنا جزء منو حرام فالإسلام تكفر شي واحد".
وأضاف رمزي: "وجوابي عن هاد المسألة هي أشهد أن لا إله إلا الله وأشهد أن محمد رسول الله هادي نقطة، ثانيا يا صديقي حاولت نكون فنان ولا كوميدي على الأقل الناس من نهار اللول عرفوني كاندير الضحك، وسواء كنت كانضحك، ولا حتى حامض حيت الآراء تختلف، وكل والخلفية الفكرية ف أنا كانتحمل مسؤولية إختياري من الأول ماشي من الشيخ اللي كايفتي ل ندير الضحك إيلا كان كايبان ليك راه ضحك طبعا. أنت تهمتيني بالإلحاد وأنا غا نعطيك فكرة بسيطة على شنو هو الإسلام. الإسلام ا صديقي هو الحوار أولا ماشي الهجوم، الإسلام ا صديقي ماشي هو نهار نبغي ندعي للهداية نستغل أحداث ديال ناس، الإسلام ا صديقي عمرو ما كان ب تكفير الناس ولكن ب تحبيب الناس للدين، الإسلام عمرو ما كان بتصوير المؤخرات وحصو وعي كائن بشري ب أحكامك أنت بدون ما تعرفوا و تعاشروا".
ثم ختم الكوميدي الشاب كلامه ب: "الفرق بيني وبينك آ سي إلياس بعيدا على التوجه هو عمري ركبت على الموجة ولا درت الرد ولا هضرت على شي واحد، وعمرك تسنى مني فيديو ردا عليك، الفرق آ سي إلياس هو أنا ما باغيش نضحك ب قدر ما باغي الناس تحترمني ك إنسان. باقي عاقل مزيان واحد المرة إختلفت معك فالرأي والجواب ديالك كان مضحك ومبكي ف نفس الوقت حيت ضراتني الطريقة باش كاتفكر قلتي ليا وا سير أنت كاتصور مع البنات وأنا راه باغي غير الجنة وبلوكيتيني يعني ما كانتش عندك حتى الجرأة باش تواجهني وتسمع جهتي، تا واحد آ سي إلياس ما على حق وحنا غير عبد ضعيف وحاول تعلم باللي رأيك ماشي قرآن منزل باش يكون على صواب وباللي تا أنت كاتغلط والناس من حقها تنتقدك وكل وطريقتو، إيلا أنت ا سي إلياس بغيتي ليا الجنة أنا بغيت ليك الوعي والتفكير الإيجابي راك ماشي مركز الكون والسلام".
وبدوره رد الشيخ سار على رسالة رمزي، من خلال تعليق، وقال إنه لم يقصد تكفيره، أو وصفه بالملحد، لأنه لا يعلم من فيهم الأقرب إلى الله، كما قال إنه تعرض للظلم وتشويه الصورة بسبب هذا المنشور، مؤكدا أنه كان يحاول فقط الحديث عنه بطريقة كوميدية لا غير.