قصيدة بالريفية : “ءارّاَنْدانْ “

يانْقَارْدْ خانَاغْ ءويورْ ثِيواشَّا ذَا- رّاَنْدانْ
ءاثَانْزومْ ذِيراَهْنا ءاثَانْزومْ ذِيراَمانْ
ءاثَانْزومْ ذَمَازْذاكْ ذَارْعُنْصارْ نْ- وَامانْ
ءانَازاَّدجْ ءانَاعْبَذْ ءانَوارْ زَ- كْمَنْغانْ
ءانْاسْريرْ ءورْ نَّاغْ ءانَزّاَرْ خَ- شِّيطانْ
ءانْصَافَّا ثَامَدُّورثْ ءامَارْحَبْ نَرَّمانْ
ءانْسَرْ غا- لْوالدينْ ءانرْزو خ- جيرانْ
ءانْمون ْ ءانَصْرَحْ مَّارَّا ءاكَاذْ ياوْذانْ
ءانَصْرَحْ ءكَا الله وَنِّي نَغْ يَتْرَجانْ
ءانَقِّيمْ ءارَسْحورْ حوما غارْيانْ يَثْرانْ
ءانَاغْ ياوي يِضَسْ ءانَوْضا ذ- كَّمْشانْ
يانْقَارَدْ خَانَاغْ ءويورْ نْهارا ذَصَبْحانْ
نْهارا ذَرّاَنْدانْ ياهْوادْ ذَياسْ لْقرْءانْ
ياهْوادْ تِّيفاوينْ ذَكْفاسَّانْ ءيسَايْمانْ
ياهْوادْ تِّيرَلِّي ذَرَّحْمَثْ خ- ياوْذانْ
ياهْوادْ خْ- محمذ ءارَقَّسْ ءييورانْ
ثْفَرْحَسْ خد يجة ذْعمَرْ ذْعُثْمانْ
ءفَرْحَسْ ءومَزْيانْ ءفَرْحَسْ ءومَقْرانْ
يانْقَارَدْ خَانَغْ ءيورْ ثِيواشا ذَا- رّاَنْدانْ
ءيري ِشَاكْ ذَامَسْراَمْ ويِتَاتُّوا ءيماَسْعانْ
وِيتاتُّوا ثِيماسِّي ويِتاتُّو ءيمَاضْرانْ
وِيتاتُّوا ثيواشا ءاذاشْ ءارْزَنْ يَخْسانْ
باريس يوم 25/1/010