" افرييّخ الملاغة "

العقل اتخوض اوطااش..
طار افرييّخ الملاغة
الناشر جنحانو ع الكباش..
طار ف اسماه يتباها
فرحان ب نوبتو ف التريااش..
حال فمو العامر ب الفووضة
زرباان ينطق .. ايكَوول وقتااش..
وقتااش.
ايعود مطحوون
ايموت فيه الفرعوون .. قاايد الحناش..
موول الصربة طاحت ليه القيمة
ولاّ مرهوون بين اصباع التفتااش..
اضعيف ب كثرت الهموم اوالجايحة
سكنات اعظامو خززْت الفراش..
امريض ف ادماغو ما لقى لراسو رَيْ
جابها ف كَنتو .. باينة فيه ب لّي نبّااش..
باينة فيه التقليقة
ايهرنن ف اخيالو قاطع ليّااسْ..
راكب موضة الخواض
ناوي يقطع الهوى .. احبس لنفااس..
ناوي ايكَمّط الخوا الخاوي
اضرب الضربة اطيّح العشااش..
حاس ب راسو .. حاسب العياقة
معدي على روحو ب قوة الهوااس..
هذا افرييّخ الملاغة طاح
هذا اطوييّر الكذووب اسمح ف القسمية .. اوكَال ابلااااش……
——————-
عبد الرحيم يونس
div class="a2a_kit a2a_kit_size_26 addtoany_list" data-a2a-url="http://www.azilal-online.com/?p=43632" data-a2a-title="" افرييّخ الملاغة ""