هكذا أضحك مواطن مغربي الملك محمد السادس لأخذ صورة معه

كشف أنس وهو شاب في العشرينيات من العمر عن موقف طريف حين صادف الملك محمد السادس في شارع الزرقطوني بالدار البيضاء يوم أمس .
فقد قال أنس لمدير “صفحة محمد السادس” في الفايسبوك ، سفيان البحري ، الذي نشر الخبر، ” كنت غادي فعين الدياب شويا وأنا نشوف سيدنا حدايا ضوبلت سيارة الحراس وجيت حداه قلت لو عاش الملك وهو يشّير ليا بيدّو وبديت نهدر معاه وهو ينقص من الموسيقى للي كان طالق فالسيارة، شوف سيدنا كيفاش كايحترم الناس”.
ويضيف أنس لسفيان البحري: “قلت لو بغيت نتصور معاك، شاف فالساعة ديالو وقال ليا مرة أخرى وأنا نقولو سيدنا ماكاين ما أحسن من هاد المرة، بقيت تابعو حتى وصلنا للنفق حت أرضي ديال شارع الزرقطوني، ملكنا مشا من لفوق و أنا دزت من النفق، قلت صافي ضاعت الصورة”.
وأضاف أنس “زدت فالسرعة ومنين خرجت من النفق طحت ديريكت فسيارة سيدنا هو يدور شافني وبدا كايضحك وشّير بيديه قال لي آجي تبعني، دخلنا لواحد الزنقة خاوية فدرب السلطان حدا القصر الملكي وهو يوقف، أنا هبطت طاير بالفرحة ، جا عندي الحارس الخاص خدا مني التيليفون وصورنا، جابها شفناها وقلت لو لا عاودها”.