بنكيران يشتكي شباط للهمة في قضايا الفريك والشريك والأخير يرد ساخرا"مني طلعتي رئيس الحكومة وانت كتشكي"

لأن حميد شباط انتقد بنكيران بالهيمنة واحتكار الشأن العام، فقد اتصل رئيس الحكومة بمستشار الملك فؤاد عالي الهمة وكان الحوار التالي

أهلا السي ابن كيران لا باس عليك؟
لا والو آسي فؤاد، والمثل تيقول الله يرحم من زار وخفف.
بغيت منك واحد الطليبة وما تديرهاش مني قلة الصواب.
واش هاد الطلبات دياولك ما بغاوش يتقداو آسي بنكيران، مني طلعتي رئيس الحكومة وانت كتشكي.
الله إلى ما شد علي أسي فؤاد هداك حميد شباط، راه قرب ينوض لي القوق فالراس.
هاه، على هاد الشي زيارة وخفيفة ياك ديما كنقلول لك دبر راسك معاه.
وقت ما اشكيت ليك منو كتقولي دبر راسك معاه.
وعلاش هاد المشكل بيناتكم آسي ينكيران.
الراجل دخلتو ياكل الفريك بغا يولي لي شريك ما كنجي نكالمي الخصوم السياسيين ديالي حتى كيخرج لي من الجنب، ما عرفتو واش حليف ولا معارض.
وشكون هما الخصوم السياسيين؟ علاش كتدوي آسي بنكيران؟
والله ما كرهت لك تاخذ شي كاس أتاي بالشيبة، راه الحال بارد آسي الهمة.