زلزال ضرب الجدارمية ديال الجديدة.. "گود" جابت آش واقع وعلاقاتو بقضية البزناز لي مسلف مسؤولين ومنتخبين فلوس صحاح

بعدما شدات الفرقة الوطنية للشرطة القضائية بكازا بارون المخدرات المدعو حمدون بالجديدة صاحب الأوديو الشهير لي تايكول فيه بلي مسلف مسؤولين ومنتخبين فلوس صحاح وتايطلب منهم يرجعو ليه رزقو، هاد التصريحات لي جات فلوديو دارت روينة وسط الجدارمية.
فحسب ما كشفته مصادر ل "كود"، ضرب زلزال، بعد تفجر هاد القضية، القيادة الجهوية للدرك الملكي بالجديدة، إذ جرى إعفاء قائد سرية الجديدة وإخضاعه رفقة رؤساء مراكز ترابية وبعض الدركيين لمجموعة من الأبحاث التي تباشرها عناصر الفرقة الوطنية التابعة لجهاز الدرك، بعد اكتشاف المحققين مكالمات مشبوهة قد تكون ربطتهم بالبزناز .
المصادر نفسها، كتقول، بللي هاد التحقيق لي باشراتو عناصر الفرقة الوطنية ديال الجندارم غادي يعصف بمجموعة من الدركيين، بعدما قامت هاد الأخيرة بمجموعة من الأبحاث العلمية والتقنية، خلصت إلى تورط بعضهم مع هذا البزناز لي طيحاتو عناصر الفرقة الوطنية لشرطة القضائية فكازا، بناء على معلومات وفرتها مديرية التراب الوطني.
وزادت المصادر نفسها، مؤكدة أن الجنرال محمد حرمو معاجبوش الحال على هذا الكوارث لواقعة بالجديدة وبيوكرا لي تابعة للقيادة الجهوية ديال أكادير، مشيرة إلى أن هذا الفيلم غادي طيح بعض المسؤولين الجهويين إلى تبثت التحقيقات أنهم مقصرين من الخدمة ديالهم مع العناصر لتحت الأمر ديالهم.
يشار إلى أن البزناز كشف أنه من بين المسؤلي لي جبدهم فالتسجيل كاين لي مسلفو 400 مليون، وكاين مول 200 مليون، و50 مليون، وأن لائحة لي خداو من عندو لفلوس طويلة.