دافع الناخب الوطني وليد الركراكي على عبد الرزاق حمد الله لاعب اتحاد جدة السعودي، وأكد أنه هو الهداف ديال المهاجمين المغاربة وعندو ما يعطي للمنتخب الوطني، وما يمكن نبعدو من لاليست حتى ما يبقى عندو ما يضيف أو يبان شي لاعب آخر احسن منو. وتحدث الناخب الوطني وليد الركراكي، خلال الندوة الصحافية اليوم الخمس بمركز محمد السادس لكرة القدم بالمعمورة، وشرح علاش حمد الله موفق مع اتحاد جدة السعودي وكيماركي وملي كيجي المنتخب كيعطيها للزكيل، وقال: "عبد الرزاق حمد الله ما عندوش مشكل فالمنتخب الوطني المغربي، ولكن راه يوسف النصيري هو المهاجم الأول". وأكد وليد الركراكي: "عبد الرزاق حمد الله من ورا كأس العالم ماركا 25 هدف وهو احسن بيتور فالمنتخب وتابعو يوسف النصيري يمكن ماركا 18 او 19، ومن بعد كاين أيوب الكعبي يمكن ماركي 10 وشديرة عندو 8، يعني احسن اربع هدافين راه عندنا فلاليست". وكمل وليد الركراكي: "يمكن حمد الله خاصو الوقت باش يعطي كلشي اللي عندو ويفهم السيستيم وبزاف ديال الحوايج وهاد الشي علاش هو مازال معيا، ونهار ما يعطينيش الإضافة ما غيكونش فلاليست واليوم ما نقدرش نحيدو حيت لاعب ماركي 25 هدف".
