وليد الركراكي: ما كنفرقش مابين ولاد البطولة والمحترفين برا.. وها علاش جبت عطية الله

أكد الناخب الوطني وليد الركراكي أنه ما عندوش فرق ما بين اللاعبين فالمنتخب الوطني المغربي، وأن اللاعبين كاملين عندو فحال فحال فالكروب والفرق ما كينش ما بين اللي كيلعب فالبطولة واللي كيلعب فالخارج.
وقال وليد الركراكي فحوار له مع قناة "الرياضية": "انا ما كنفرقش ما بين اللاعبين ديال البطولة الوطنية اللي كايلعبو بالخارج، اللاعبين اللي كانوا معايا كاملين مغاربة، ما كنفكرش فين تزاد اللعاب ولا الفريق اللي كيلعب فيه اللي كيهمني أنه ملي يلبس التوني خاصو يتقاتل".
وشدد وليد الركراكي: "ما عنديش فرق فين كيلعب كل واحد.. اللعاب المغربي ملي كجيي معنا وكيكون مع 26 اللي فلاليست يكون وجد كلشي التكتيك وكلشي والدم ديالو مغربي، وإلى بقيت كنفكر فالفرق ما بين فين كيلعب كل واحد غادي نبدا ندير شي حوايج ما كيعحبونيش، راه ملي كنجيب عطية الله للمنتخب ماشي حيث كيلعب فالوداد ولا حيث كان كيلعب معيا، ولكن حيث ملي كنشوف جميع اللاعبين اللي كيلعبو كظهير أيسر كيبان ليا عطية الله هو اللي يقدر يعطيني ملي نحتاجو وما كونتش خايف ملي دخلتو يلعب ضد ديمبيلي وضد هازارد ودار خدمتو".