ها علاش عيط الركراكي لحمد الله وشديرة واخا كانوا ضعاف فالمونديال

كشف الناخب الوطني وليد الركراكي عن السبب اللي مخاليه يعيط على كل من عبد الرزاق حمد الله مهاجم اتحاد جدة السعودي ووليد شديرة مهاجم باري الإيطالي، بالرغم من أن مستواهما كان ضعيفا في المنتخب الوطني المغربي فكأس العالم 2022.
وتحدث وليد الركراكي خلال الندوة الصحافي اللي أعلن فيها على لائحة المنتخب المغربي لمواجهة البرازيل والبيرو وقال: "المشكل ديال بزاف ديال اللاعبين المغاربة سوا فالبطولة أو خارجها هو أن المنتخب المغربي منتخب كبير، راه إلى بغيتي تجيب شي لاعب من البطولة خاصك تحيد زياش وتحيد الزلزولي وابوخلال اللي كيماركيو وتحيد النصيري ولاعبين اللي كيعلوب بالبطولات الكبيرة".
ولمح وليد الركراكي لأسباب اللي كتخليه يعيط على عبد الرزاق حمد الله ووليد شديرة واللي هو أنهما يسجلان مع فريقيهما وقال: "باش تدير بلاصتك مع الأسماء اللي كاينة دابا فالمنتخب خاصك تماركي 25 هدف فالبطولة ولا تعطي اسيست وتسجل فكاع ليويكاند باش تحيد واحد فيهم، وماشي غير ماركتي 4 الأهداف راك غتحيد بلاصت النصيري وحمد الله وشديرة اللي كيماركيو".