واش دخلو فمرحلة فراغ؟ ليفار خسرو مع التواركة بهدف قاتل وصدارة البطولة فخطر

كيواصل فريق الجيش الملكي تضييع النقاط فالبطولة الاحترافية، وهذه المرة بخسارة مع اتحاد التواركة اليوم السبت فالخمسينات ضمن الدورة 6.
وسالا الماتش بين ليفار والمضيفين ديالهم اتحاد التواركة بنتيجة بنتيجة جوج لواحد لمصلحة التواركة، وكانوا الجيش الملكي هما الاولين اللي ماركاو فالمباراة بهدف زهير مارور فالدقيقة 11، والتواركة جابو التعادل بهدف ماركاه أنس عدوة فالدقيقة 65، وقدرو التواركة يضربو هدف الرباح بواسطة سهيل زمرات فالوقت بدل الضائع من الماتش بعدما ختم كونطر أطاك بتسديدة فمرمى ليفار.
خسارة فريق الجيش الملكي اليوم كتعطي مؤشرات أن ليفا دخلين فمرحلة فراغ، بعد الإقصاء من عصبة ابطال أفريقيا والتعادل مع نهضة بركان، وهزيمة اليوم مع التواركة اللي ولات بسببها صادرة البطولة مهددة، حيث دابا الفريق عندو 11 نقطة، وفوز المنافسين ديالو الوداد او الرجاء او بركان او تطوان اليوم وغدا غيديوها له، أما اتحاد التواركة راه طلعبو بهذا الرباح مؤقتا للمركز الثاني برصيد 10 النقاط.