عادل رمزي: واجدين لماتش انييمبا.. هدفنا نرجعو بنتيجة ايجابية والوداد داخل السوبر ليك مرشح للتتويج باللقب

أكد عادل رمزي مدرب الوداد الرياضي أن الفريق واجد لمواجهة انييمبا النيجيري غدا الاحد فنيجيريا، ضمن ذهاب ربع نهائي السوبر ليك الافريقي، وأن الوداد داخل المسابقة كمرشح باش يربحها وهذا الشي كيخلي الفرق الاخرى يوجدو له.
وتحدث عادل رمزي فالندوة الصحافية اللي كتسبق ماتش الوداد الرياضي وإنييمبا ووضح أن البريباتاسيون ديال الفريق للماتش الاول فالسوبر ليك دازت مزيان، وان الاجواء داخل الفريق مزيانة والمعنويات عند الاعبين مرتفعة وموتيفين باش يديرو نتيجة ايجابية فالسوبر ليك اللي تشرف المغرب.
رمزي تكلم على قيمة الوداد الرياضي فلافريك، واللي كتخليه يدخل منافسات السوبر ليك كمرشح للتتويج باللقب ديال النسخة الاولى، وهذا الشي كيخلي باقي الفرق المنافسة يوجدو له مزيان.
وبالنسبة للماتش ديال غدا الاحد ضد انييمبا النيحيري، فأكد عادل رمزي أن الاهم فيه هو يرجع الوداد بنتيجة ايجابية باش تقربو من التأهل إلى الدومي فيتل ويبقى ممثل المغرب مواصل حتى ابعد نقطة فالمسابقة.