الأشبال بداو معسكر قطر وشيبا كيشرح كيفاش اختار اللاعبين اللي غيمشيو للمونديال

بدا المنتخب الوطني المغربي لأقل من 17 عام المعسكر فقطر باش يوجد لكوب ديموند U17، اللي غيكون فأندونسيا فشهر نونبر المقبل.
وتحدث الناخب الوطني سعيد شيبا على كيفاش جا اختيار اللاعبين خصوصا في ظل الجدل على عدم استدعاء الموهوبة المغربية أدم أزنو واخا ما دواش عليه، وقال: "المعسكر ديال الدوحة هو الأخير قبل مونديال إندونيسيا والهدف منو واضح هو تقليص الكروب إلى 26 لاعب واللي من بينهم غيكون 21 لاعب المشركين فكأس العالم".
ووضح سعيد شيبا: "كنا ملزمين من بعد الماتشات الماضيين نحسمو فعدد من المراكز وخصوصا أن الكروب ديال لاكوب ديموند غيكون فيه 21 عنصر أي 3 الكوال و18 لاعب، بما يعني أن المنافسة قوية على المراكز".
وكمل الناخب الوطني: "كاينين لاعبين اللي ماركاو نقاط خلال المشاركات السابقة سوا فكأس إفريقيا أو فالإقصائيات، وكاينين لاعبين اللي التحقوا حيث المستوى ديالهم ارتفع، وكاينين للأسف لاعبين اللي مشاو ليهم بلايصهم حيث هاد السن حساس شوية والثبات هو من تحديات هاد الفئة".
وختم الناخب الوطني سعيد شيبا وقال: "نتمناو من خلال هاد المعسكر والتداريب والمباريات نوجدو أحسن كروب نمشيو به للمونديال".