عادل رمزي: خصنا نكونو مزيانين ونفرضو راسنا حتى خارج تيرانا وغنمشيو لتونس باش نماركيو هدف وجوج

كان كيتمنى عادل رمزي مدرب الوداد الرياضي أن الفريق يخرج رابح الترجي التونسي فذهاب دومي فينال السوبر ليك الأفريقي بكثر من هدف، ولكن كيشوف أن حتى نتيجة واحد لزيزو مزيانة، وأكد أن الفريق غيمشي لتونس فماتش الإياب باش بماركي هدف ولا جوجو وماشي باش يرجع ويوقف يتفرج فالفريق التونسي.
وتحدث عادل رمزي خلال الندوة الصحافية بعد فوز الوداد على الترجي وقال: "كنت كنتمنى نماركيو أكبر عدد ممكن من الأهداف، وبصراحة من بعدما ماركينا الهدف الأول وبالضبط فالربع ساعة الأخيرة من الماتش حسيت بعيا اللاعبين ديالي".
وكمل عادل رمزي وقال: "حتى التغييرات اللي درت كانت تغييرات هجومية، وخلت لاعبين باش نزيدو نماركيو الثاني مي واحد لزيرو حتى هي مزيانة كنت كنتمنى نماركيو فرصة البحري ولكن ما سجلنهاش".
واكد عادل رمزي: "النتيجة ديال الرباح بواحد فالذهاب مزيانة ولكن خاصنا نكونو مزيانين فتونس وبالنسبة لنا حتى فخارج التيران ديالنا خاصنا نفرضو راسنا وحتى فتونس غنمشيو باش نماركيو هدف ولا جوج".