حكيمي: اختاريت نلعب مع المغرب على قبل واليديا وباغي نوصل للفينال بحال الركراكي ولكن نربح لاكوب

اكد الدولي المغربي اشرف حكيمي نجم باريس سان جرمان انه اختار يلعب للمنتخب المغربي باش يشرف ماماه وباباه، ويخليهم فخورين به، وان اول مشاركة له مع المنتخب المغربي فلاكوب دافريك ذكرى عمرها تنسى له.
وتحدث اشرف حكيمي فحوار دارو مع bein sports وقال: "ختاريت نلعب للمنتخب المغربي باش الواليدة والوليد يفتاخرو بيا ، وهما مفتاخرين بيا فگاع الأحوال، ولكن غيفتخرو كثر حيث كنلعب للبلد اللي تزادو وكبرو فيه".
وكمل حكيمي: "المنتخب المغربي يقدر يربح كوب دافريك 2004 فتونس، وهي لحظة مميزة حيث فيها كان الناخب الوطني وليد الركراكي اللي كيدربنا دابا لاعب فهداك الوقت وهذا الشي مميز وحتى أنا باغي دابا نوصل بحالو للفينال ولكن نربحو لاكوب".
وزاد نجم باريس سان جرمان: "احسن لحظة بالنسبة ليا هي ملي شاركت اول مرة مع المنتخب المغربي فكوب دافريك وكان عيط المدرب وانا عندي 21 عام باش نلعب كاس أفريقيا، كان عندنا كروب زوين ولكن ما قدرناش نربحو لاكوب ولكن باش تلعب اول كوب دافريك مع منتخب بلادك سي حاجة عمرك ما تنساها حياتك كاملة".